وب سایت رسمی فریبا شش بلوکی
ترجمه ترکی شعر زنی را ... مشاهده در قالب PDF چاپ فرستادن به ایمیل
مطالب مهم سایت - اخبار

ترجمه ترکی شعر زنی را می شناسم من


من بیر قادین تانییرام
قانادلانما جوشقوسو وار
آنجاق اوقدر توتقو دولودور کی،

یولچولوقدان اولدوقجا قورخوسو وار.
من بیر قادین تانییرام
ائوین بیر گوشه‌سینده
یووور- پیشیریرکن
آشپزخانادا
سئویت ماهنیلاری اوخویار.
باخیشی ساده و یالقیز
سسی یورغون و کدرلی
اومودو ایسه، یارینین دیب‌ بوجاغیندا‌دیر.
من بیر قادین تانییرام
پئشمان اولدوغونو سؤیله‌ییر
ندن اونا اورک باغلاییبمیش؟
هاردا او بونا لایقمیش؟
بیر قادین دا دیل دوداق آراسی
بو ائودن قاچقینام، دئییر
آنجاق اؤز اؤزوندن سوروشور
مندن سونرا کیم می دارایاجاق
بالامین ساچلارینی؟
سانجی‌یا بویلودور بیر قادین
بیر قادین سا، آجی دوغماقدا
بیریسی ده آغلاییر
دؤشلریمده یئته‌رینجه سوتوم یوخ دئییر.
بیر قادین یالقیزلیق ایپلیگی‌یله
دانتئل گئییم توخویور
کیمسه‌سیزلیک بوجاغیندا بیر قادین
ایشیق نامازی اوخویور
بیر قادین زنجیرلرله تانیشمیش
بیر قادین توتساقلیغا آلیمیش
بوسبوتون پایینا دوشن‌سه:
توتساقچیسی‌نین سویوق باخیشلاری
من بیر قادین تانییرام
اؤلور بیر کیچیمسه‌نمکدن
آما ماهنی اوخویاراق
تقدیرین اویونودور، دئییر
بیر قادین کئچینیر یوخسوللوقلا
بیر قادین گوز یاشی‌یلا یاتیر
اوبیری نیسگیل و شاشقینلیقلا
سوچو نه‌دیر، بیلمه‌ییر
بیر قادین باجاغینداکی واریسی
بیر قادین اوستو اؤرتولو آغریلارینی
گیزله‌دیر هر کسدن
چوخ یازیقسان، چوخ یازیقسان
دئمه‌سینلر اونا ساخین.
من بیر قادین تانییرام
شعرلری چوخ آجی قوخویور
آنجاق گوله‌رک
دونیانین دؤنگه‌بوروغو چوخ اولور، دئییر
من بیر قادین تانییرام
کؤکسونده تین‌اَزیجی آغریسینا رغمن
هر گئجه اوشاقلارینی
قوشوغا و اؤیکویه چاغیریر
گئتمکدن قورخوسو وار
چونکو بو ائوین شمعی دیر او
قاپیدان چیخینجا
نئجه ده قارانلیقلاشاجاق بو اوجاق
بیر قادین بوش سوفره‌نین باشیندا
اوتانج دویور بالاسیندان
یات بالاسی بو گئجه
هه، یات
من سنه یئنه ده لایلای اوخویاجاغام
من بیر قادین تانییرام
اَته‌یی‌نین رنگی ساری‌
گئجه-گوندوز گؤزو یاشلی‌دیر
اونون دردی قیسیرلیق دیر
من بیر قادین تانییرام
گئتمه‌یه اینجاری یوخدور
آددیملاری چوخ یورغوندور
اوره‌یی‌ایسه آیاقلار آلتیندا
باغیریر: بسدیر داها!
من بیر قادین تانییرام
نفسی‌نین شیطانی‌یلا
مینلر کئز ساواشیب
سونوندا قازانجلی چیخاراق
رسوایلارا و کؤتولوک ائدنلره
آلایجیل گولوب
بیر قادین ماهنی اوخویور
بیری ایسه سوسقون قالیر
بیر قادین گئجه چاغیندا بیله
کوچه‌نین اورتاسیندا قالیر
بیر قادین ایشده ارکک کیمی دیر
اللری قابار دولو دور
او قدر آغریسی آجیسی وار کی،
قارنیندا بیر اوشاق اولدوغونو بیله اونودوب
بیر قادین اؤلوم یاتاغیندا
بیری اؤلومون لاپ یانیندادیر
کیم اونو یوخلاییر؟
بیلمیرم، بیلمیرم
بیر گئجه ده بالاجا بیر یاتاقدا
بیر قادین
اخلاقسیز ارککدن اؤجونو آلیر
من بیر قادین تانییرام...


منبع

 

 

حاضرین در سایت

ما 9 مهمان آنلاین داریم

آمار بازدید کنندگان

mod_vvisit_counterامروز15
mod_vvisit_counterکل بازدیدها638188

زنی را...

زنی را می شناسم من شاعر فریبا شش بلوکی

تماس با مدیر سایت

تماس با مدیر فروش کتابها